يوم احدعش يوم الشوم *** زينب وحيده
عن كل احبتها اليوم *** صارت بعيده
ساهرة و يا عين تنام *** حايرة بنسوة و أيتام
مفزوعة بين الظلام *** زينب وحيده
آه و نزاح ستار الليل *** آه و العين تشوف الويل
آه وين الشمس بهليوم *** آه لو هم داست هلخيل
غربة و للأسى ذيول *** و العيلة بوجلها
يا يوم احدعش گول *** زينب وين اهلها
على زينب وحشة الدنيا و ما تجبرها الحسرة
ألم و ضيعة و نار و حيرة و تاليها السفرة
كلهم عافوها *** في غمضة من العين
ما تدري بهمها *** تتوجه لاوين
و الى هللحظة الاجساد تون من فوگ الغبرة
عطش و ما تتروى الأوصال بغير العبرة
محد واراهم *** من ظهر العاشر
صرعى و خلوهم *** وسفه بلا ساتر
كافلي من الصوبين *** مگطوعه ايده
و بلاهب الرمضة حسين *** حزو وريده
راحت أشبال الكرار *** و انطفت ذيچ الأنوار
و ظلت تعد الأكدار *** زينب وحيدة
يوم احدعش يوم الشوم *** زينب وحيده
عن كل احبتها اليوم *** صارت بعيده
ساهرة و يا عين تنام *** حايرة بنسوة و أيتام
مفزوعة بين الظلام *** زينب وحيده
نادت في گللبي المجروح *** من فينا خويه المذبوح
روحك شافت مرة الموت *** و چم موت تصد بينا الروح
ما واحد رحمنا *** يا خويه انهضمنا
بين الحيرة و الخوف *** يتزايد ألمنا
على زينب كل گللب اليوم يموج بزلزاله
على شوفة هلراس حسين براس العساله
الله يساعدها *** عن ضيمه و بلواه
جرح و خاطرها *** و من يسمع شكواه
على زينب حتى الصخر اجرى دموعه الهماله
على مشيتها بولية تناحب خيها و جتاله
صك مات عليها *** تتوافد ألوان
و من عظم الحالة *** تبچيها العدوان
كلما تخفت بيها *** محنة شديدة
حلت ياويلي عليها *** محنة جديدة
طالت و طالت الدروب *** و الألم ينهش الگللوب
و بجمر كل محنة تذوب *** زينب وحيدة
يوم احدعش يوم الشوم *** زينب وحيده
عن كل احبتها اليوم *** صارت بعيده
ساهرة و يا عين تنام *** حايرة بنسوة و أيتام
مفزوعة بين الظلام *** زينب وحيده
ذابت زينب من الأهوال *** و عنها يگول لسان الحال
يا خويه انهض ليه و شوف *** نكبة و ما خطرت عالبال
ما يكفي انسلبنا *** و عالسفرة انهصبنا
و احنا عالهوازل *** يا خويه انضربنا
على من تعتب يا گللبي و ليت يفيد عتابي
على من ما تگللي و محد يسمعني من أحبابي
رحت و عذروني *** و خليت الأجساد
لازم أعذرهم *** خلوني بالأگياد
على عباس شلون أعتب و أنسى زنوده و راسه
و أنا مالوم حسين و بعيوني الحافر داسه
مكتوب عليه *** أصفي و مالي اخوان
و اگصد بعتابي *** بس دهري الخوان
تاج المعزة و الصون *** منهو يعيدة
أخفي الألم بيه شلون *** و الأسر يزيده
دولبتني سيوف البين *** غرگتني بدمع العين
عن خدرها تسايل وين *** زينب وحيده
يوم احدعش يوم الشوم *** زينب وحيده
عن كل احبتها اليوم *** صارت بعيده
ساهرة و يا عين تنام *** حايرة بنسوة و أيتام
مفزوعة بين الظلام *** زينب وحيده
